supre esperanto
esperanto cxe esperan.to
eo
hejmo  

Ĉiu estas libera (uzi sunkremon1)



Karaj inoj kaj malinoj
el la klaso de 1997

Uzu sunkremon

Se mi povus oferti al vi nur unu konsilon por la estonteco
ĝi estus: sunkremo
La longdaŭraj avantaĝoj de sunkremo estas pruvitaj de sciencistoj
dum la resto de miaj konsiloj havas neniun pli fidindan bazon
ol mia propra meandra sperto
Mi nun disdonas tiun aron de konsiloj ...

Ĝuu la viglecon kaj belecon de via junaĝo
Ne gravas ke vi ne komprenos la povon kaj belecon de via junaĝo
ĝis kiam ili estos forvelkitaj
Sed kredu min
post 20 jaroj, vi rerigardos fotojn pri vi mem
rememorante en maniero neimagebla nun
kiom da eblecoj troviĝis antaŭ vi
kaj kiom fabele bonege vi aspektis ja
Vi ne estas tiel dika kiel vi pensadis

Ne maltrankviliĝu pri la estonteco
aŭ ja maltrankviliĝu sciante ke maltrankviliĝi estas ĉirkaŭ same efike kiel
provi solvi algebran ekvacion maĉante maĉgumon
La veraj problemoj en via vivo
estos plej verŝajne aferoj, kiuj neniam trairis vian maltrankviliĝeman menson,
aferoj de la speco, kiuj trafas vin je la malforta punkto posttagmeze je la 4a dum iu libera mardo

Ĉiutage faru aferon, kiu timigas vin

Kantu

Ne estu malprudenta pri la koro de aliaj personoj
Ne toleru homojn, kiuj estas malprudenta pri la via

Uzu dentosilkon

Ne formalŝparu vian tempon por ĵaluzeco

Kelkfoje vi estas antaŭe, kelkfoje malantaŭe
La kurkonkurso estas longa
kaj finfine ĝi estas nun kun vi mem
Rememoru la komplimentojn, kiujn vi ricevas
Forgesu la insultojn
Se vi sukcesas fari tion, diru mi kiel
Konservu viajn malnovajn amleterojn, forĵetu la malnovajn konteltirojn

Streĉu vian korpon

Ne sentu vin kulpa, se vi ne scias kion fari en via vivo
La plej interesaj homoj, kiujn mi konas, ne scias,
kion ili faru en la vivo je la aĝo de 22
Eĉ iuj el la plej interesaj 40-jaraĝuloj ankoraŭ ne scias

Havigu al vi sufiĉe da kalcio
Estu afabla al viaj genuoj, vi sopirus ilin, se ili ne plu funkius

Eble vi geedziĝos, eble ne
Eble vi havos infanojn, eble ne
Eble vi divorcos 40-jaraĝe
Eble vi dancos la "kokidan dancon"2 dum via 75a geedziĝa jubileo
Kion ajn vi faras
ne gratulu vin troe
nek riproĉu vin troe
Viaj decidoj estas duone hazardaj, same kiel ĉies

Ĝuu vian korpon
Uzu ĝin en ĉia maniero
Ne timu ĝin nek kion aliaj homoj pensas pri ĝi
Ĝi estas la plej granda instrumento, kiun vi entute posedas

Dancu
eĉ se vi ne havas alian ejon ol via propran loĝĉambron
Legu la uzinstrukciojn, eĉ se vi ne sekvas ilin
Ne legu belec-revuoj, ili nur sentigas vin malbela

(Refreno)
Fratoj, fratinoj
kune ni sukcesos
Iun tagon spirito prenos vin
kaj gvidos vin tien
Mi scias, ke doloros
sed mi atendis por asisti vin
Kaj mi estos tie helpante vin
plej eble ĉiam

Pli bone konatiĝu kun viaj gepatroj
Vi neniam scias, kiam ili estos for por ĉiam
Estu afabla al viaj gefratoj
Ili estas via plej bona ligo al via pasinteco
Kaj al la personoj plej emaj resti ĉe vi estonte
Komprenu, ke geamikoj venas kaj foriras
Sed kelkaj valoraj restas
Klopodegu ponti la distancojn geografiajn kaj sociajn
ĉar ju pli aĝa vi iĝas des pli vi bezonas homojn,
kiujn vi konis, kiam vi junis

Vivu foje en Novjorko
sed forlasu ĝin antaŭ ĝi igas vin malmola
Vivu foje en norda Kalifornio
sed forlasu ĝin antaŭ ĝi igas vin mola
Vojaĝadu

Akceptu kelkajn neŝanĝeblajn verojn
Prezoj altiĝadas
Politikistoj flirtumas kun virinoj
Ankaŭ vi iĝas maljuna, kaj iĝinte vi fantaziumas,
ke kiam vi junis la prezoj estis modestaj,
politikistoj estis noblaj kaj infanoj respektadis la pliaĝulojn
Respektu viajn pliaĝulojn

Ne atendu iun subtenanta vin
Eble vi havas fonduson
Eble vi havas riĉan geedzon
Sed vi neniam scias, kiam iu el ili elĉerpiĝas

Ne fuŝumu tro kun via hararo
alikaze vi aspektos kiel 85-jaraĝulo, kiam vi estas 40

Estu atentema pri kies konsilon vi prenas
Sed estu pacienca kun tiuj, kiuj donas ĝin
Konsilo estas speco de nostalgio
Disdoni ĝin estas kvazaŭ fiŝkapti la estintecon el la rubujo,
viŝi ĝin, farbi la malbelajn erojn
kaj recikli ĝin por pli ol ĝi valoras

Sed fidu min – pri la sunkremo

Ĉiu estas libera …


Rimarkoj
1 kontraŭsuna ŝirmaĵo = sunŝirma kremo = protekta haŭtkremo = likva kontraŭsuna haŭprotektaĵo
2 kokida/kokina danco aŭ anasa danco (iu polkstila populara muzikaĵo/danco)


©
originala (angla) teksto de Mary Schmich, 1997
muziko de Baz Luhrmann, 1999
tradukis esperanten Rolfo, 2005


Jen la originalo en la angla.
esperanto nur esperanto esperanto lingvo internacia rolfo retejo
artikolaro
malsupre esperanto
zengarten